منتدى الفريق الهندسى

منتدى يخص كل المهتمين بدراسة الهندسة فى مصر والوطن العربى
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
مطلوب مشرفين لجميع اقسام المنتدى من ير نفسة قادر على ذلك رجاء كتابة موضوع فى قسم الترحيب بالاعضاءبذلك

شاطر | 
 

 هام جداااا.. لطلاب ثالثه الجدد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 217
تاريخ التسجيل : 29/07/2009

مُساهمةموضوع: هام جداااا.. لطلاب ثالثه الجدد   الجمعة يوليو 31, 2009 12:12 pm

ولا احب اقول لكل الطلاب اللى ربنا وفقهم ونجحوا فى سنه تانيه ودلوقتى داخلين ثالثه
الف الف مبروك وبالتوفيق ديما ان شاء الله.
وكل اللى اللى طلع لثالثه ومعاه مواد اقوله شد حيلك شويه والموضوع مش صعب خالص وبإذن الله كله ها يبقى تمام و هايعدى على خير.
اما بالنسبه لسنه ثالثه مدنى
اولا: التيرم الاول
المواد اللى ها تكون فى التيرم الاول هى:
1-تصميم اعمال الرى1 (150 درجه).
2-كميات ومواصفات (100 درجه).
3-نظريه إنشأت 3 (100 درجه).
4-سكه حديد ( 100 درجه).
5-هيدروليكا 2 (50 درجه اعمال سنه)... ممتده
6- خرسانه 2 ( صفر درجه)... ممتده
7-منشأت معدنيه 1 (الاستيل) ( صفر درجه)... ممتده
ثانيا : التيرم الثانى
5-هيدروليكا 2 (200 درجه).
6-خرسانه 2 ( 200 درجه).
7-منشأت معدنيه 1 (الاستيل) (200 درجه).
8-ميكانيكا تربه والاساسات (200 درجه).
9-نقل ومرور (150 درجه).
10-تقارير فنيه فى الهندسه المدنيه (50 درجه).


-----------------------------------------------------
تعتبر سنه ثالثه مدنى من اصعب سنيين كليه الهندسه وديما الكل بيخاف منها.
بس والله مع الاجتهاد والمذاكره اول بأول وانك تحاول تفهم كل حاجه بتخدها وحبك للمواد والكليه واستاعانك ديما بربنا فى كل شئ هتلاقى كل حاجه سهله وبسيطه ان شاء الله.
------------------------------------------------------
اولا: الخرسانه
وديما بتكون هى صاحبه المركز الاول فى الشكاوى من الطلبه ومش بيكون فيها تقديرات كتيره. وبيكون فيها لوح كتير جدا
فى التيرم الاول اللى هايدى خرسانه هو عاده الدكتور / احمد يوسف, وده طبعا انته عارفيه من سنه تانيه وبيكون الجزء بتاعه كويس وسهل وبتتكرر الامتحانات كل سنه بتاعته يعنى متألئوش اوى من التيرم الاول(بس حاولوا تقفلوا الامتحان فى التيرم ده) , فى التيرم الثانى عاده برده بيدى الكورس الدكتور/ احمد امين والدكتور ده مش اى حد بيفهمه بسهوله وبتيجى امتحانته رخمه شويه.
اهم حاجه عشان تمشوا فى الماده دى خليكوا ديما مع سكاشن الباشمهندس الرائع /باسم وهاتوا ورق الكورسات بتاعته اول بأول وبإذن الله متألوش عن جيد جدا فيها.
-------------------------------------------------------
ثانيا :الاستيل
ودى ماده كويسه جدا وبيديها الدكتور فكرى سالم فى التيرم الاول وفى التيرم الثانى ممكن هو اللى يكمل معاكوا او يديكوا الدكتور / احمد بدر
الدكتور / فكرى سالم يعتبر اخف دم فى الكليه ومحاضرته بتكون لذيذه جدا واللى بيقوله بيجيبه بالنص وبرده امتحاناته بتتكر ديما بنفس النمط.. وبيدى عاده 40 درجه اوفر على الامتحان عشان بيكون طويل جدا (حاولوا تحلوا فيه على اد ما تقدروا فعلا الامتحان بيكون طويل جدا بس سهل )
الاستيل ماده تصميمه.. بس فى طلبه كتير بتاخده اكنه ماده حفظ وبيدخلوا الامتحان اكنهم بيكتبوا موضوع تعبير يعنى بيلكوا كتير اوى. وحاولوا برده تعملوا اللوح اول بأول.
-------------------------------------------------
ثالثا :ماده تصميم الرى
هو ماده بتدرسوا فيها معظم منشأت الرى المائيه, تصميم هيدروليكى وانشائى. والحضور فيها مهم جدا لو الدكتور/ عادل المصرى هو اللى اداكوا . لازم تحضروا كل محاضراته عشان هو بيمنع الشرح فى السكاشن ولازم تعملوا اللوح اول بأول. وتذاكرا الابوا على طول بدرى بدرى عشان مفيش حاجه تتراكم عليكوا. وتخليكوا ديما مع ورق الباشمهندس سامى
---------------------------------------------------
رابعا: ميكانيكا التربه والاساسات
ودى بيديها الدكتور / محمود المليجى.. والدكتور / عادل جبر
ماده مهمه جدا .. ومن الاخر بيكون ورق الكورسات هو اهم حاجه فيها. يعنى تجيبوا ورق داود اول بأول
وان شاء الله تقدروا فيها.
---------------------------------------------------
خامسا الهيدروليكا
هيدروليكا ثالثه اسهل كتير من بتاعه تانيه بس الماده دى غداره .. ممكن اللى يديكوا الدكتور / محسن عز الدين.. او الدكتور الجمل الله اعلم.. لو اداكوا الدكتور محسن .. لازم تحضروا كل محاضراته وعلى فكره اعلى نسبه حضور محاضرات انا شوفتها من ساعه ما دخلت هندسه لغايه انهارده هى محاضرات الدكتور محسن, وبياخد غياب ديما ولاااااااااااااااااااازم تحلوا بالطريقه اللى هو هايحل بيها قدامكوا اى طريقه تانيه بيدى صفر على طول وناس كتير بتشيل الماده عشان كدهبرغم من سهوله الامتحان. فخلوا بالكوا
--------------------------------------------
دى كانت اهم مواد السنه باقى المواد تعتبر سهله الى حد ما عدا الاستركشر عايز شغل شويه.
-----------------------------------------------
معلشى دا كان شرح بسيط عن سنه ثالثه , بس سنه ثالثه دى بحر الكلام عنها مايخلصشى.
ولو حد عايز يستفسر عن اى حاجه يسأل فورا
وأن شاء الله يكون فى شرح اوسع للمواد اللى ان قولتها ونشرح باقى المواد اللى انا مذكرتهاش مع بدايه الدراسه.
-------------------------------------------------
مره تانيه اقول ليكوا الف مبروك على النجاح.
وبالتوفيق ديما ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://engineering-tagteam.getgoo.us
Admin
Admin
avatar

عدد المساهمات : 217
تاريخ التسجيل : 29/07/2009

مُساهمةموضوع: رد: هام جداااا.. لطلاب ثالثه الجدد   الجمعة يوليو 31, 2009 12:19 pm

وين الردود؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://engineering-tagteam.getgoo.us
pirlo



عدد المساهمات : 3
تاريخ التسجيل : 31/07/2009

مُساهمةموضوع: رد: هام جداااا.. لطلاب ثالثه الجدد   السبت أغسطس 01, 2009 6:54 am

اية الحلاوة دى يا معلم عاوزين مواضيع احسن يا ريس بس فى تالتة بالذات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pirlo



عدد المساهمات : 3
تاريخ التسجيل : 31/07/2009

مُساهمةموضوع: رد: هام جداااا.. لطلاب ثالثه الجدد   الجمعة أغسطس 07, 2009 6:33 am

اية الحلاوة دى ربنا يكرمك يا رب وشكرااااااااااااااااا على المجهود الرائع دة ونريد المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 217
تاريخ التسجيل : 29/07/2009

مُساهمةموضوع: رد: هام جداااا.. لطلاب ثالثه الجدد   الجمعة أغسطس 14, 2009 5:53 am

شكرا عالرد المشجع دة يا ايمن
وان شاء الله هيباى فية المزيد من المواضيع الجامدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://engineering-tagteam.getgoo.us
 
هام جداااا.. لطلاب ثالثه الجدد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفريق الهندسى :: الاقسام الهندسية :: منتدى الهندسة المدنية-
انتقل الى: